كلام ناعم وأهواء القراء

الحب الأعمى
بحبّك حب مش مألوف
لا بينكتب ولا بيتعبّى بظروف
بحبك متل عامود مأروف
بحبك تكوني فصّة وكون أنا الخاروف

بحبك تكوني سلق وكون أنا الملفوف
بحبك تكوني فئيرة وكون أنا المنتوف
بحبك تكوني ليرة ومعي منك ألوف
بحبك تكوني جيبي وكون أنا المصروف
بحبك تكوني كمبيوتر وكون أنا الكي بورد والحروف
بحبك تكوني أصالة وكون أنا الوسوف
بحبك تكوني طابة وكون أنا بيرهوف
بحبك عَ أد محبّة القطة للفارة
بحبك متل محبّة الدولاب للسيارة
بحبك متل شرطي السير ما بيحب الصفارة
بحبك محبّة الجزرة للبشّارة
بحب عيونك اللي بلون الخيارة
بحب تمّك اللي أكبر من السحّارة
بحب طولك وفشْرت السيكارة
بحب صوتك اللي بيصرع الحارة

دقات ألبي متل ورشة نجارة
بس إنتي الكهربا والخشب والبسمار والبرغي والدئّارة
إنتي العمش بعيوني المحتارة
يا كبريتة حياتي العود بسمتك ونظرتك النارة
إن متّ بتكوني السبب وإن ما متت إنشاالله ترفسني حمارة

هههههههههه

هههههههههههه شو هاد اشرف

ضحكتنى من قلبلى

هههههههههههههه يسلمو دمت فكاهى مبدع

هلا فيكي ندى شكرا على الرئي